Blogarchiv
 
Das Lied vom "kleenen Boahnel"

Schmalspurbahn Zittau - Reichenau Kurt Piehler (1893-1958) schrieb die folgenden Verse

Das Lied vom "kleenen Boahnel"

Von Zittau fährt off Reich'nau o hibsches kleenes Boahnel,
a Lokomotiv'l vornedroa on hin'n fünf, sechs Wanel,
on bimmeln tut's woas bimmeln koan,
drmit heeßt's o de "Bimmelboahn"!

     Bimm, bimm bimm, ich war schun kumm,
     ich hoa mersch eemol vürgenumm.

Ben Haltepunkt zon irschtenmoal verschnauft sich's kleene Boahnel,
do gieht a Schaffner vornedroaon schwankt a rutes Fahnl.
On is amol de Stroaße frei, macht's kleene Boahnel hurt'g vorbei.
Nu rumpelt's off Kleeschine zu, do fährt's oack off der Stroaße.
Im Auto wie der Wind vorbei flitzt hurt'g de feine Bloase.
Do denkt mei Boahnel:"Foahrt ock zu!
Mich brengt'r ne aus menner Ruh!"
On hat's Kleeschine hinner sich, do kimmt a schlachtes Stick'l,
on Zittler Berg bei Friedersdorf, do reißt moanchmol dos Strick'l.
On hoans se's wieder z'soammgeflickt,
macht's kleene Boahnel gans beglickt:

     Bimm, bimm bimm, ich war schun kumm,
     ich hoa mersch eemol vürgenumm.

Bei Reibersdorf gieht's gleicheweg, do frät sich's kleene Boahnel,
do pfefft's vo Freede imbend'g laut on rumpelt mit de Wanl,
on vorne aus'n Essenloch speit's aal'n, schwarzen Roach.
Derno kimmt's noa Wald-Oppelsdorf, do hoat - ihr ward's wul wissen,
amol a aaler gorscht'ger Wind doas Boahnel imgeschmissen.
No hoite zittert's a dan Fleck an ganze Leib vor Angst und Schreck.
On endlich kimmt's noa Reich'nau - manchmal wurd's o woas ihrer,
an Bahnhof stiehn on gucken zu de ganz'n Reich'neer,
's kännt doch amoahl - noahmt's oack ne krumm! -
A Fremder mit'n Boahnel kumm.
Nun ruht sich's kleene Boahnel aus vo senner lang'n Reese,
on wunnert'ch ibern Autobus:"Der fährt ja ohne Gleese."
mei Boahnel, härmt'ch oack ne drim,
wenn du ne wärscht, nee doas wär schlimm!

     Bimm, bimm bimm, bim bam bum,
     uffs kleene Boahnel laßsch nischt kumm!
 

16152 Views
Kommentare
()
Einen neuen Kommentar hinzufügenEine neue Antwort hinzufügen
Ich stimme zu, dass meine Angaben gespeichert und verarbeitet werden dürfen gemäß der Datenschutzerklärung.*
Abbrechen
Antwort abschicken
Kommentar abschicken
Weitere laden
OBERLAUSITZMYHOME 0